Публикацијата „Зајакнување на демократијата преку унапредување и заштита на правата на заедници те“ што денеска ја промовираше Агенцијата за остварување на правата на заедниците во РСМ покажува дека во однос на образованието поголемиот број од помалубројните заедници во РСМ, следат наставни програми на македонски јазик, одреден број на заедниците ја следеле учебната настава на јазикот на заедницата и помал процент на албански јазик.
Како што потенцираше заменик директорот на Агенцијата, Џелал Хоџиќ, подобрена е видливоста на самата агенција и веќе е донесен нов Закон по кој работи Агенцијата и да биде еден од креаторите на политиките што ги засегаат помзлите заедници, што порано не било случај.
Хоџиќ во изјава за ЦИВИЛ Медиа рече дека за помалубројните заедници во државата (Турци, Власи, Срби, Роми и Бошњаци) е важно во јавниот сервис редакциите на помалубројните заедници да бидат функционални.
„Стратегијата „Едно општество за сите“ е направена пред една година и сега останува да се спроведат сите оние делови кои се внесени во неа и во акциските планови. Она што е важно за помалубројните заедници е што сакаме во во јавниот сервис редакциите на помалубројните заедници да бидат функционални, да бидат екипирани, да имаат повеќе новинари, да имаат доволно кадар за работа. Она што е важно за образованието на мајчин јазик за заедниците е да се создаде кадар кој ќе предава и да се создад ат подобри услови за учење и образование на мајчин јазик. Она што е важно за правичната застапеност е дека отприлика помалобројните заедници се на половина од остварувањето на правото на правичната застапенот согласно Уставот од 2002 и за нас, исто така, е важен пописот кој е најавен за идната година“, изјави Хоџиќ.
На прашањето на ЦИВИЛ Медиа каква е перцепцијата на македонската заедница во однос на помалубројните заедници и дали Агенцијата има увид во тоа, Хоџиќ одговори дека исклучиво се занимаваат со правата на помалубројните заедници
„Не, ние ги следиме правата на помалубројните заедници. Немаме, за жал, некои конкретни податоци во тој дел, но можеме да кажеме дека нашето општество е доста оптоварено со различни стерeотипи кон разни етнички заедници. Она што е специфично за помалу бројните заедници е што секоја од нив има свои специфики и има своевидни посебни проблеми кои се разликуваат меѓусебе и по однос на потребите кои ги имаат во општеството“, одговори Хоџиќ.
Препораките кои произлегуваат од истражувањето подготвено од Алесандро Симони и Филипо Ромоли, се зајакнување на капацитетите на Агенцијата, мониторинг на евалуацијата од спроведување на Законот против дискриминација, следење на застапеноста на немнозинските заедници на раководни функции, истражување во областа на етнички стеротипи во медиумите…
Истражувањето е спроведено со поддршка на ЕУ.
Извор : ЦИВИЛ МЕДИА
