Во емисијата Трилинг на телевизија 24, вицепремиерот Љупчо Николовски беше запрашан и за односите со Бугарија и новниот обид да ги попречат преговорите со Европската Унија. Николовски е уверен дека сето ова ќе биде надминато и Северна Македонија на крајот ќе слави за храбрите политики.
„Сето она што го направивиме со севкупната мудрост и трпение, прво со Грција и со Бугарија со што ги надминавме споровите со соседите, потоа со тоа што станавме членка на НАТО, па на крај со согласноста на Европската Унија да започнеме преговори за членство, покажува дека сме имале храброст за решавање на сите прашања, она што претходно го немал никој. Затоа сум уверен дека и оваа ситуација со Бугарија ќе се надмине и дека ќе го отвориме процесот за преговори со ЕУ“ – изјави Николовски.
