Нови 1.198 случаи на ковид-19, 26 починати, најмладите на 35 годишна возраст. Шест скопски општини имаат над 1.100 активни случаи.
Владата има законска можност да управува и со приватните здравствени установи, за време на Кризна состојба. – Не станува збор за национализација на приватните болници, туку евентуално за управување со нив во битката против пандемијата, рече Пендаровски.
За време на Кризна состојба, Армијата ќе се вклучува само на барање на Кризниот штаб. Во делот на ангажманот на Армијата, ние ќе ги следиме барањата на Кризниот штаб, кога ќе се декларира кризна состојба. Таму каде што тие ќе декларираат поддршка на полицијта и на здравствените власти, таму ќе помагаме, рече Пендаровски.
Заев: Кризна состојба не значи полициски час, туку полесно менаџирање на сите ресурси во државата поврзани со пандемијата.
Мицкоски започна линч на Телма и новинарите откако се пожали дека му го откажале интервјуто. “Што бараш у таа квази телевизија?” “кој глеа тоа срање” “грчка телевизија е Телма, 100% антимакедонски медиум” “Гнојот Боби Христов ли да го удостоиш?” “На пазар нема да можат да отидат и шлајмови ќе лапаат од народот” – се дел од коментарите.
Филипче: Нè очекува критичен период, мобилизиран е целиот кадар во јавно здравствените установи. Министерот Филипче појасни дека во целата зграда на интерните клиники ќе се лекуваат ковид пациенти, поради тоа што во овие установи се лекарите интернисти, специјалисти, лекарите пулмолози и другите интернисти кои имаат искуство во лекување на пациентите со коронавирус.
Маричиќ: Филтрација на судството и обвинителството за поголема доверба на граѓаните во правосудниот систем. Маричиќ во своето обраќање на конференцијата кажа и дека во иднина особено внимание ќе се посвети на целосна имплементација на донесените закони.
На инфективните одделенија во земјава се лекуваат 820 пациенти, слободни кревети има.
Сликај го Скопје и освој една од наградите со вкупна вредност од 100.000 денари. На конкурсот ќе бидат доделени три награди и тоа за прва награда се предвидени 50.000 денари, за втора награда 25.000 денари и трета награда 15.000 денари.
Максим Димитриевски: Во Куманово ги бришеме графитите со говор на омраза.
Алаѓозовски: Зелените вредности треба да станат мејнстрим и да се прифатени од сите партии. Алаѓозовски, информира дека во соработка со Агенцијата за млади и спорт (АМС) се планира да се формира сектор за да се обучат полицајци кои ќе ги препознаат и работат со екстремните групи и да ги дестимулираат.
Сарачини: Културата на неказнивост мора да престане, за ние како општество да функционираме подобро. Според Сарачини, за институционалната структура која се бави со вакви полемики, како Агенцијата за остварување на правата на заедниците и слични, недостигаат буџетски средства.
