– Значи ако се обидат да сватат дека ова нова Влада навистина прави еден нов дух, една нова енергија која сака да ги смири односите, која сака да ги подобри односите, мислам ќе дојдеме до некакво решение сега во декември, вели поранешниот премиер и лидер на ВМРО-ДПМНЕ Љубчо Георгиевски, во ТВ24 – „Студио 10“ на тема Не стивнуваат реакциите по интервјуто на Заев.
Георгиевски вели дека ова е најотворено интервју на еден премиер и на еден политичар кој према Бугарија покажува отворена желба за пријателство
„Јас навистина интервјуто на Заев го ценам само во тој контекст да демонстрираме уште еднаш пријателство, ова е најотворено интервју на еден премиер и на еден политичар према Бугарија, нели желба и потреба за пријателство. Сето тоа е еден доказ дека во Македонија има сили кои сакаат да направат промена во тој поглед, сега колку ќе биде светено, колку ќе биде разберено, јас се надевам дека нема да ја прокоцкаат шансата од нивна страна затоа што навистина ова е единствена шанса“, истакнува Георгиевски
Тој се надева дека сепак и во Бугарија сега преовладува некој нов ветар, можеби сфатиле дека направиле блага грешка и дека таму се создаде една многу сериозна критична маса на професори, интелектуалци, новинари кој едноставно ја осудуваат тврдата политика,
„Според најновите изјави што ги слушам според Каракачанов и од Министерката Захариева тие сега некако како да се задржуваат да се направи пат на карта, да се направи некаква агенда по која нели би се развивале тие македонско – бугарски односи на сите нивоа од економски па до она што е најпроблематичното, нели Комисијата за историски прашања. Ако добро ги разбирам се надевам дека сепак и таму сега преовладува некој нов ветар, можеби сфатиле дека направиле блага грешка, и она што посебно ме радува што за разлика од оние груби изјави кој ги добиваме од високи политичари од нивна страна во последните така да речеме два месеца, таму се создаде една многу сериозна критична маса на професори, интелектуалци, новинари кој едноставно ја осудуваат таа политика“, вели Георгиевски.
J. Ѓ.
