Министерката Радмила Шекеринска денеска преку видео- конференциска врска имаше состанок со одбранбените аташеи на нашата земја во САД, Франција, Турција и Германија, како и со одбранбено – дипломатските претставници во седиштето и командите на Алијансата.
Даштевски и понатаму смета дека експремиерот, сега бегалец Никола Груевски бил дискриминиран од страна на судиката Добрила Кацарска. За таа одлука тој посочува дека гласале пет члена на комисијата, и неговиот глас не бил пресуден.
Граѓанскиот активист, новинар и музичар Петрит Сарачини, е неоснована цел на напади со говор на омраза на социјалните мрежи. Коментарите се толку непристојни што некои повикуваат на негова ликвидација, со тоа да му се отсече главата, но и да му се отсечат прстите за да не можел повеќе да работи. За заканувачката содржина во коментарите е известена полицијата која сигурно ќе постапи и ќе ги открие заканувачите.
Институциите започнаа постапка за аплицирање до УНЕСКО за црквата Свети Ѓорѓи во Курбиново, село крај Преспанското Езеро, да биде запишана на списокот на светското наследство. Црквата потекнува од 12 век и е еден од бисерите на византиската уметност на Балканот.
Специјалниот пратеник на С. Македонија, Владо Бучковски, денеска допатува во Софија каде попладнево од шефицата на бугарската дипломатија Захариева доби акциски план за спроведување на Договорот за добрососедство од 2017 година. Според медиумските извештаи од Бугарија, овој документ, кој се однесува на сите секторски министерства, се очекува да биде потпишан на состанок на Заедничката меѓувладина комисија. Содржината не е позната.
Акцискиот план го предложив на првата моја посета во Софија како начин да се воспостави една прецизна агенда,за да потоа го предложиме како конкретен план на задачи и активности и откако направивме една внатрешна координација со сите министерства за сите проекти којшто се во тек или пак се заклучени или пак се планираат и бевме договорени дека Република Бугарија ќе одговори на тој акциски план, јас имав комуникација минатата недела со МНР Захариева и бев во очекување на нивниот одговор… можеби пред саат време го добивме како одговор, всушност нивно гледање на нашиот акциски план односно размена на идеи по однос на тој план” – изјави во своето интервју министерот за надворешни работи Бујар Османи.
Досега комисијата има усогласено 5 историски личности, 2 историски периоди се начелно усогласени тие треба да се преточат во конкретни препораки за учебниците, тука имало некоја разлика на последната комисија дали се тоа истите текстови кои се усогласени за заедничко одбележување треба да бидат основа и за препораки за учебниците мислам дека таа разлика треба брзо да се надмине меѓу комисиите и со тоа да биде добра основа да се продолжи понатму“ – изјави Османи.
Вицепремиерот и министер за политички систем и односи меѓу заедниците Артан Груби на средба со министерот за внатрешни работи, Оливер Спасовски и неговиот заменик Назим Буши разговарал за распределбата на административните службеници вработени преку програмата К5, а кои не се распределени на работни места.
Обезбедивме 50 милиони евра и моментално ги дизајнираме мерките и тие ќе бидат таргетирани секторски каде имало поголемо влијание од ковид-19 во делот на намалувањето на приходите на отпуштање на работници. Тоа ќе го направиме заедно со стопанските комори со сите засегнати страни, рече Бектеши во гостување на ТВ 24.
Во Уредбата со законска сила која што ја донесовме за време на Ковид ги вклучивме и
компаниите кои што се занимаваат со трговија, но имаат инвестиции во машини, опрема,
и хали и идеата е да видиме таква мерка да го прошириме опфатот и да вклучиме и други
сектори да може и тие да ја користат оваа можност и на таков начин да го зголемат изозот
и да придобијат нови пазари“ кажа Бектеши.
