На Фејсбук објава од партијата Левица со наслов „Расипништвото на Богоев и Општина Карпош продолжува“, во која следат грст обвинувања кон градоначалникот на Карпош, Стефан Богоев, после коментарот со кој Богоев им одговора на Левица, се случува една интересна ситуација.
Имено, постот на Левица има речиси двојно помалку реакции отколку коментарот на градоначалникот Богоев.
Бројките во моментот кога ја забележавме оваа интересна ситуација, беа 292 реакции на коментарот од градоначалникот Богоев, наспроти само 189 реакции на постот на Левица.
Во Фејсбук објавата Левица го обвинува Богоев за наводно трошење на општинските пари за сопствени потреби и анкета.
„Секоја сериозна институција, организација, деловен субјект прави квартални или годишни испитувања на јавното мислење. Ние сме задолжени да правиме испитувања и согласно ISO стандардите по кои работи општината. Оваа анкета ја правиме пред донесувањето на Буџетот, за да се утврдат приоритети и правилно да се насочат средствата за претстојната година. Знам дека намерата е политички да поентирате и тоа го разбирам. Затоа што можевте на пример да прашате или да видите дека анкетата го мери и задоволството на граѓаните од различни проекти и активности, начинот на работа на општинската администрација… Истата е спроведена рамномерно по сите населби. Но, затоа во вашите прашања нема аргументи туку политичка демагогија и лични релации, кои се апсолутно неточни и небулозни. Разбирам дека имате потреба да се докажувате, да претставите дека сите се криминалци и нечесни, а само претставниците на Левица се чесни. Но, сте ја погрешиле адресата. Општина Карпош овие три години е пример за совесно и одговорно работење, а ако се сомневате слободно поведете постапки.“, напиша Богоев
Ј. Ѓ.
