Тимот на австриската амбасада во Северна Македонија во спомен на жртвите на холокаустот, како што нагласуваат – и оваа година споделува силен знак на живот од нашите еврејски сограѓани во Австрија, со концерт на Мориц Вајс Клецмер Трио, кој за жал поради пандемијата не може да биде во живо.
„Пред 76 години, Црвената армија го ослободи концентрациониот логор Аушвиц-Биркенау. Ова ослободување дојде предоцна за повеќе од еден милион затвореници кои беа убиени во овој најголем нацистички логор за истребување од октомври 1941 година; со гасови, потоа изгорени и конечно здробени, со цел да се уништат сите траги.
На 27 јануари ги одбележува денот на сеќавање на повеќе од 6 милиони луѓе од Европа, главно еврејски сограѓани, но исто така и на бројни Роми кои не го преживеале овој геноцид, вклучувајќи 7.144 лица од Северна Македонија кои беа депортирани во март 1943 година за време на тогашната окупација и убиени во логор на смртта Треблинка.
И покрај овие страшни бројки, преживеа не само сеќавањето за ужасите на холокаустот, туку пред сè и социјалното делување на нашите сограѓани Евреи во Европа и нивните извонредни достигнувања во различни области. Во областа на културата ова ја вклучува традицијата на клецмер музиката, која Мориц Вајс Клецмер Трио вешто ја комбинира со елементи на џез и класична музика. Доживејте ја современата еврејска креативност од Штаерска/Австрија на концертна снимка од ноември 2020 година.
Не треба да остане наспоменато и дека Австрија одлучи не само да им овозможи на сè помалата група на луѓе кои го преживеале холокаустот да добијат или повторно да се здобијат со австриско државјанство, туку од 1 септември 2020 година исто така и на сите нивни потомци (вклучително и посвоени деца).
Суштинската одредба од Законот за австриско државјанство гласи (во извадок): „Странец стекнува … [австриско] државјанство, ако писмено го извести органот … дека заминал во странство пред 15 мај 1955 година како [австриски] државјанин или државјанин на една од земјите наследнички на поранешната австро-унгарска монархија или лице без државјанство со главен престој на [австриската] федерална територија, бидејќи тој/таа имал/а причина да стравува или претрпел/а прогон од страна на органите на НСДАП или властите на Третиот Рајх.
Странец се стекнува со [австриско] државјанство, ако писмено го извести органот … и докаже со несоборливи документи или други соодветни и еквивалентни средства за потврда дека тој/таа е потомок во директна линија на лице кое стекнало или можело да стекне државјанство во согласност со став 1. Децата посвоени како малолетници исто така се сметаат за потомци“.“
