Попладневен преглед: „Додека жените не се слободни, сите сме заробени

Димитров за интерпелацијата: За што сум обвинет, затоа што не испорачав преговори по цена на македонскиот јазик и идентитетот?

Димитров: До лажните патриоти од ВМРО-ДПМНЕ – демантите ви се ордени, наместо резили. Вицепремиерот и порача на опозициската ВМРО-ДПМНЕ, дека ако не ја сфати сериозноста во која се доведуваат и како личности, но и партијата и земјата, ќе останат само лажни патриоти кои за да дојдат на власт, би застапувале и антимакедонски ставови.

Димитров: Македонскиот јазик избришан во 2006 година, го вративме во преговарачката рамка на ЕУ. Тоа е затворена тема, рече Димитров, и додаде дека ние апсолутно не смееме да го губиме времето во чекање туку да работиме на остварувањето на европските стандарди и принципи дома.

Регистрирани 350 нови ковид случаи. Регистрирани се 266 оздравени пациенти. Пријавени се вкупно 20 починати лица од кои 14 од Жан Митрев Клиника за пациенти кои починале во периодот од 04.01-30.01.2021. Шест лица се починати во текот на вчерашниот ден.

„Додека жените не се слободни, сите сме заробени“ – порака на протестниот марш за „Јавна соба“. Со транстапаренти „Жртвата никогаш не е виновна“, „Ако не ги казнувате силувачите, вие сте силувачот“, „До кога ќе ме ме уценуваш ако кажам НЕ?“ започна маршот под мото „Јавна соба е кривично дело“ во организација на Платформа за родова еднаквост.

МВР ќе ги изнесе пред Обвинителство сите докази за случајот „Јавна соба“. МВР апсолутно ги поддржува барањата на граѓаните во однос на „Јавна соба“. Веќе се приведени четири лица, извршени се претреси, одземени се телефоните кои се вештачат и коишто ќе бидат предадени на Јавното обвинителство. Воедно, идентификуваме и детектираме дополнителни лица коишто биле дел од „Јавна Соба“, стои во соопштението од МВР.

Филипче: Вакцинацијата ќе почне овој месец со 200.000 кинески вакцини. И овие преговори кои ги водиме сега со „Фајзер“, и тие кои ги завршуваме со кинеската компанија се навистина тешки и бараат многу детали, додаде Филипче.

Сарачини: Жените секојдневно се жртви на сексуално насилство и вознемирување, потребни се коренити мултидимензионални реформи. Според него, за пресврт и менување на состојбите се потребни длабоки реформи во повеќе сфери, од кривичната сфера, па сè до едукација на најмладите.

Заев и Шахпаска: Градиме системски решенија за најранливите граѓани да добијат домување, пристап до здравство, образование и вработување. Амбасадорот на Делегацијата на ЕУ во земјата Дејвид Гир истакна задоволство што презентираните проекти во голем дел ќе го подобрат животот на ромската заедница и додаде дека заедничка цел е да создадеме еднакви можности за ромското население.

До денеска 70 македонски граѓани со двојно државјанство се вакцинирале во Врање. Јадранка Ајановиќ, директор на ДЗ во Врање, посочи дека за вакцинирање на странските државјание потребно е да бидат соодветно електронски пријавени преку Е-Управата, како што е протоколот за сите граѓани од Република Србија.

Германската влада најавува можни дополнителни санкции за Русија поради Навални. САД, Велика Британија, Германија и Европската унија ја повикаа Москва веднаш да го ослободи Навални.

И. Т. З.

Димитров: Апасиев влегува во една интересна категорија на политичар обвинител, па и политичар инквизитор

НАЈНОВО

Продолжува потрагата по исчезнатите мигранти по двоен бродолом кај Лампедуза

Карл Билд: Ако Трамп сака може да ја врати Алјаска на Русија, но нема никакво право да тргува со територијата на која било друга нација

Телата на четворица мажи пронајдени во водите на Сена крај Париз

НАЈЧИТАНО

Паника поради падот од 130.000 гласа

Билјана Ивановска независна кандидатка за градоначалничка на Центар поддржана од Платформата „Независни заедно“

Вучиќ најави дека не може да се кандидира на следните избори и „не му паѓа на памет“ да го менува Уставот

Зеленски по состанокот во Берлин: Мојот став за присуството на украинските војници во Донбас останува непроменет

И сè ова е само почеток