На својот фејсбук профил министерката за труд и социјала Јагода Шехпанска, испрати огромна поддршка кон жртвите на насилство и го осуди истото. Таа го потенцираше законот за спречување и заштита од насилство врз жени и девојчиња и ги објасни измените во законот.
“Согласно Законот за спречување и заштита од насилство врз жените и семејното насилство :
Центарот за социјална работа (член 45 и 46) е должен да започне постапка веднаш, а најдоцна во рок од 12 часа од добиеното сознание дека е сторено родово базирано насилство врз жена или семејно насилство и да преземе мерки за заштита на жртвата, согласно проценката на ризик.
Заради запирање на насилството, отстранување на последиците и преземање на ефикасни мерки кон сторителот на насилство, судот може да ги изрече следниве привремени мерки за заштита:
1) забрана да се заканува дека ќе стори насилство;
2) забрана да малтретира, вознемирува, телефонира, контактира или на друг начин директно или индиректно комуницира со жртвата;
3) забрана да се приближува на растојание помало од 100 метри до живеалиштето, училиштето, работното место или определено место кое редовно го посетува жртвата;
4) отстранување од домот без оглед на сопственоста, во траење од 10 до 30 дена;
5) забрана да поседува огнено или друго оружје или истото да му биде одземено;
6) задолжително да ги врати предметите кои се потребни за задоволување на секојдневните потреби на жртвата и семејството;
7) задолжително законско издржување на семејството;
8) задолжително да посетува советувалиште за сторители на насилство врз жени- или семејно насилство;
9) задолжително лекување на сторителот, доколку злоупотребува, алкохол, дрога и други психотропни супстанции или има психичко заболување;
10) сторителот задолжително да ги надомести медицинските и другите трошоци настанати од насилството” – напиша Јагода Шахпанска на својот фејсбук профил.
