За впишувањето на националноста во личните карти, што е предлог доставен во Собранието од Беса, нема никакво предупредување заради тоа што се работи за идентитетски прашања, изјави премиерот Зоран Заев, одговорајќи на новинарско прашање дали имало предупредување од странски дипломат.
Пендаровски не се согласува етничката припадност да биде во личните карти зашто вели тоа го нема во ниту една демократија во светот, премиерот Зоран Заев смета дека е логично понекогаш да имаат различни ставови со претседателот за некои прашања иако веруваат во исти вредности.
„Конечната одлука за кандидати останува на органите на партијата, јас ке ја најавам мојата кандидатура во СДСМ. Очекувам поддршка од партијата, И тие, како и граѓаните знаат колку е направено за градот.“- изјави градоначалникот на Скопје, Петре Шилегов, најавувајќи дека е подготвен за нов мандат.
Република Северна Македонија годинава ќе претседава со Централноевропскиот договор за слободна трговија (ЦЕФТА). Денеска амбасадорот на Европската Унија Дејвид Гир и министерот за економија Крешник Бектеши, ќе ги презентираат приоритетите за 2021 година за ЦЕФТА под претседателство на земјава.
Министерката за одбрана Радмила Шекеринска и помошникот генерален секретар на НАТО Дејвид ван Вел, како претседател на Одборот за управување со сајбер одбраната во НАТО, потпишаа Меморандум за разбирање и соработка на полето на сајбер одбраната меѓу Северна Македонија и НАТО.
Владата на денешната 46-та седница ја разгледа и ја усвои Информацијата за склучување на Анекс на Договорот за преземени обврски од 19.11.2020 година, склучен помеѓу Владата на Република Северна Македонија и Глобалниот сојуз за вакцини (ГАВИ) (GAVI ALLIANCE), за набавка на одобрена вакцина за КОВИД-19 преку COVAX механизмот.
Наместо три екстерни и еден интерен, средношколците во завршна година ќе полагаат два екстерни и два интерни испита и проектна задача на државната матура, а согласно со постигнатиот договор со Владата.
Вакцинацијата во земјава се одвива веќе два дена. Се вакцинира првата група, здравствените работници, со вакцините од Фајзер, а 70 отсто од здравствените работници изразиле интерес. Интерес за вакцинација има и кај возрасната група граѓани.
