Поранешниот началник на Петтата управа во МВР Горан Грујевски казна затвор 15 години. На Никола Бошкоски казна затвор 15 години. Поранешната министерка за внатрешни работи Гордана Јанкулоска доби казна затвор 4 години. Сашо Мијалков казна затвор од 12 години. Поранешниот шеф на неговиот кабинет, Тони Јакимовски 6 години затвор. Владимир Варелов од УБК условна казна затвор 2 години.
Ефективен притвор за Сашо Мијалков, побара обвинителката Ленче Ристоска. Обвинителката образложи дека БЈБ и МВР не поседуваат опрема за 24 часовен надзор, а истиот има дозвола за претстој и адреса во Прага и поседува финансиски средства кои може да се искористат за бегство.
Пописот ниту ќе даде плус право, ниту ќе одземе некому право. Само ќе ги констатира состојбите во државата, порача вчера премиерот Зоран Заев, повикувајќи ја повторно опозициската ВМРО-ДПМНЕ да учествува во оваа статистичка операција.
Премиерот Зоран Заев сатирично рече дека најверојатно Сашо Мијалков бил во просториите на ВМРО-ДПМНЕ, каде, како што кажа „сè уште чуваат место за него и за Груевски“, одговарајќи на пратеничко прашање од Александар Николоски од ВМРО- ДПМНЕ.
Со положување цвеќе на гробот и на спомен-обележјата во чест на поранешниот претседател Борис Трајковски денеска е одбележана 17-годишнината од неговата смрт во авионската несреќа кај Ротмиље, во близина на Мостар.
Министерката за одбрана Радмила Шекеринска и помошникот на секретарот за одбрана на САД за меѓународни безбедносни прашања Мара Карлин денеска попладне истовремено во Скопје и во Вашингтон ќе го потпишат новиот Меморандум за соработка во одбраната меѓу двете држави.
Големиот хуманист, активист и еден од хероите на оваа корона-криза, здравствениот работник Денис Јанкуловски, кој посети илјадници домови при земањето на брисеви и од почетокот на пандемијата секој ден со песна ги разубавува утрата на илјадниците фејсбук фанови, вчера ја примил првата доза од Фајзер вакцината против Ковид-19.
26 февруари 2020 година. Денот кога најголемите стравови на македонските граѓани станаа реалност. Короната е тука, меѓу нас. Сите слики за хорорите, умирачки, трагедии кои ѝм се случуваа на Кина и дел од Европа, се вртеа низ мислите на македонските граѓани. Потврден е првиот случај на коронавирус во земјава. Борбата против ковид- 19 продолжува и денес…
Македонските и бугарските историчари од Заедничката мултидисциплинарна експертска комисија за историски и образовни прашања помеѓу Северна Македонија и Бугарија денеска во рамки на 12 состанок, втор ден ќе разговараат за отворените прашања. М. М.
