Попладневен преглед: Менкиноски во одбрана на Камчев, враќа ли Мицкоски контрауслуга, големи се неговите хипотеки кон Орце, четири земји од регионот со поголема смртност од Ковид 19…

Нови 284 случаи со Ковид-19, 21 починат и 449 оздравени пациенти. Вкупниот број Ковид-дијагностицирани лица во земјава од почетокот на епидемијата изнесува 112.930, бројот на оздравени пациенти е 98.133, на починати е 3.340, а на активни случаи изнесува 11.457.

Четири земји од регионот со поголема смртност од Ковид 19 од Македонија. Во Македонија починале 1.593 лица на еден милион жители, а пред нас се, Бугарија со 1.625 починати на милион жители, Босна и Херцеговина со 1.667, Црна гора со 1.797 и на прво место по смртност е Словенија со 1.892 починати на еден милион жители.

Менкиноски во одбрана на Камчев, враќа ли Мицкоски контрауслуга за помошта што тој и ВМРО-ДПМНЕ ја добиле од контроверзниот бизнисмен? Со назначувањето на Менкиноски за бранител на Камчев отворено се поставуваат прашањата, дали врвот на ВМРО-ДПМНЕ а особено Мицкоски ова го прават како контра-услуга за помошта на Камчев кон партијата или можеби станува збор за претпазливост на Мицкоски за тоа што се би можел Камчев да каже во текот на истрагата?

Мицкоски го брани Орце, големи се неговите хипотеки кон Камчев. Заев не го постави Менкиноски за претседател на правна комисија на ВМРО-ДПМНЕ, за преговарач за ЈО. Не го праќаше Заев на партиски пресови да шири лажни вести туку Мицкоски. Провиден и нервозен е Мицкоски, соочен со реалноста дека не му успеа да го одбрани криминалот на режимот, велат од СДСМ.

Дувњак: Околу и за Камчев има многу сомнителни зделки и финансиски трансакции. Инаку врските на Камчев со Бугарија не се слчучајни, не се од сега. Дури и „Фокус“ пишуваше дека е забележлив податокот дека Камчев во последната година, година и пол почнува да ги пренесува бизнисите во Македонија, но не е тој титуларот на сопственоста. Во моментов колку што знам „Орка Холдинг“ е на име на фамилијата, но другите бизниси се на друго име пренесени, што да бидеме искрени во изминатиов период беше и стил на работа на Камчев. Во Бугарија Камчев има повеќе развиени бизниси – има бизнис со медицина, со млекари итн…, изјави Дувњак.

Битиќи и претседателката на ССК Арсовска ја претставија електронската платформа за туризам. Станува збор за иновативно, паметно и дигитално решение, кое на домашните и странски туристи им овозможува голем број на услуги, преку прегледи на угостителски и сместувачки капацитети, планирање на патувањата во нашата земја, но и кое дава предлози, кои се културни знаменитости може да се посетат за време на патувањето.

Царовска: Со образованието поставуваме основи за интеркултурност, родова рамноправност и инклузивност. Очекувањата од новата Концепција за основно образование се, веќе да не се случува по граѓанско образование да се учи што е родова рамноправност, или за улогата на жената, или што е демократија, а по мајчин јазик децата да учат дека местото на жената е во кујната и дека таа повеќе треба да се грижи за децата.

Девојка од Крушево пријавила обид за силување, двајца приведени. Тие биле приведени во полициска станица, а по целосно документирање на случајот ќе биде поднесена соодветна пријава.

И. Т. З.

СЗО: Ги анализираме извештаите поврзани со АстраЗенека, засега нема докази

НАЈНОВО

„Panem et circenses“ – „леб и игри“ во стил на Орце и Мицкоски

Рокас до Мицкоски: ЕУ е на ваша страна во овој процес, но одговорноста е ваша

Мицкоски за Извештајот од ЕК: Остануваме целосно посветени на европскиот пат

НАЈЧИТАНО

Кој лик од филм го претставува твојот хороскопски знак

(ВИДЕО) Скандал на Мис Универзум: Натпреварувачките го напуштија настанот по навредата кон Мис на Мексико

Небиу за изјавата на Мицкоски: Кој е пред, а кој позади – кажува Брисел

Избори во кои на Кочани му избраа градоначалник

Дневен хороскоп со Анаис – 6 ноември