Остануваме 100-процентно посветени кон ЕУ и на градењето пријателства, низ политиките на дијалог, добрососедство и разбирање, како и на домашните реформски процеси, во насока на заслужените придвижувања на Северна Македонија на полето на евроинтеграциите, по успешното членство во НАТО, а при тоа зачувувајќи го дигнитетот на македонскиот јазик и македонскиот народ, рече Премиерот на денешниот состанок со амбасадорите.
Успешното спроведување на пописот е од државно значење, бидејќи е клучно во креирањето ефикасни јавни политики за потребите на граѓаните и за развојот на државата, вели Премиерот.
Претседателката Фон Дер Лајен ме извести дека ЕУ обезбедува 651.000 дози вакцини за заштита од Ковид-19 како директна помош за граѓаните на земјите од Западен Балкан, а соодветен дел од нив согласно бројот на жители во текот на април ќе пристигнат и во Северна Македонија, информира Заев.
Министерот за здравство Венко Филипче верува дека по пристигнувањето на првите вакцини преку Ковакс системот најавени за утре, в среда ќе почне масовната имунизација на населението. Дополнителна рестрикција, како што рече, нема да даде резултати затоа што веќе вирусот е широко распространет.
Филипче, го поздрави пријателскиот гест на Република Србија за чинот на солидарност што овозможи граѓани од нашата земја, како и соседните земји Босна, Црна Гора, Хрватска викендов да се вакцинираат во Србија. Вакцинираните граѓани во Србија, ќе имаат можност за ревакцинација кај нас.
Северна Македонија ја прави Алијаната посилна, а САД се гордеат што ве имаат за сојузник. Со нетрпение очекувам уште многу години соработка и успех меѓу Северна МАкедонија, САД и НАТО. Ова денеска преку видео-порака го изјави вршителот на должност потсекретарка за одбрана на САД за политика Аманда Дори.
Директорот на српската владина Канцеларија за е-Управа, Михаило Јовановиќ, која е надлежна за примање барања и одредување на термини за вакцинација во Србија, ги повика граѓаните на соседните земји, меѓу кои е и Северна Македонија, кои немаат закажано термин за вакцинација, да не доаѓаат во Србија, бидејќи нема да бидат вакцинирани.
Во моментов, 321 брод чекаат да го преминат Суецкиот Канал. Продолжуваат операциите за ослободување на бродот долг 400 метри, кој од вторникот го блокира бродскиот сообраќај.
М. Миткоска
