Враќање во нормален живот оваа есен е можен, но под услов вакцинацијата да биде забрзана, предупредува Институтот Пастер. Според моделите на Институтот Пастер, би било потребно 90 отсто од возрасната популација да се вакцинира до 1 септември за да може да се стави крај на ограничувачките мерки, јави дописникот на МИА.
Додека Французите се подложени на нови мерки за ограничување на патувањето од минатиот викенд и училиштата се затворени три до четири недели за да се справат со епидемијата Ковид-19, Емануел Макрон ги увери учениците на час по историја од далечина, дека ограничувачките мерки ќе бидат олеснати во средината -Мај и ова лето. Но, и покрај зголемувањето на вакцинацијата, враќањето во нормален живот е далеку од сигурно во наредните месеци, предупредува од своја страна Институтот Пастер.
Од почетокот на епидемијата во март 2020 година и март 2021 година, околу 20 отсто од Французите биле заразени со Ковид-19, „што е далеку под колективниот имунитет”, забележуваат најпрво научниците во последната студија.
Според нивните проценки, само 25 до 35 отсто од Французите можеле да бидат заразени до 1 септември, што значи дека ќе треба да се постигне многу високо ниво на вакцинација за епидемијата да остане „под контрола”.
Француската стратегија за вакцинирање на најранливите популации како приоритет беше добра работа, бидејќи овозможи да се намалат смртните случаи и хоспитализациите на почетокот на кампањата, подвлекува тимот на Симон Кохемез, моделар на Институтот Пастер и член на Научниот совет. Но, тоа нема да биде доволно.
Под претпоставка дека вакцините го намалуваат ризикот од развој на тешка форма на болеста за 90 отсто и ризикот да бидат заразени за 80 отсто, и дека британската варијанта, сега е преовладувачка во Франција, која е позаразна, научниците проценуваат дека 90 отсто од целата возрасна популација треба да се вакцинира до есен за да може да се откаже од рестриктивните мерки. Целта е да се остане под прагот за кој се смета „прифатлив” од 1.000 дневни хоспитализации, над кои се наоѓа Франција од средината на октомври.
-Тоа е амбициозна цел, признава Симон Кохемез за „Монд”. Во моментов вакцинирани се 3,2 милиони луѓе (две дози), или 6,2 отсто од возрасната популација, а 9,5 милиони ја примиле својата прва инјекција или 18,1 отсто од возрасната популација.
Емануел Макрон повеќе пати ветуваше дека сите Французи кои сакаат би можеле да бидат вакцинирани до крајот на летото. Но, според последното истражување на јавното здравство Франција, само 58 отсто од 50-64 годишниците имаат намера да се вакцинираат, бројка што паѓа на 36 отсто кај 18-24 годишна возраст.
Ваквите прогнози ја доведуваат во прашање вакцинацијата на деца и адолесценти, што не е планирано во моментот. „Ако се вакцинираат само возрасните, сеуште се очекува голема епидемија кај децата, што придонесува за инфекција на родителите и незаштитените баби и дедовци”,објаснуваат моделарите. Доколку биле вакцинирани и деца, вакцинирање од 60 до 70 отсто од оние под 65 години и 90 отсто од оние над 65 години би била доволна, посочуваат тие.
-Ако се покаже дека вакцините се безбедни и ефикасни кај децата, вакцинирањето може да биде интересно со цел да се намали циркулацијата на вирусот кај оваа возрасна група и да не се остави способен за пренесување на вирусот на кревки и незаштитени луѓе , инсистира Симон Кохемез во весникот „Паризиен”.
Научникот исто така објаснува дека овие бројки се само предвидувања и дека сè може да се доведе во прашање.
-Ниту треба да бидете во позиција на голем верник ниту на целосен скептик, но најдете некој вид на среќна средина. Јас би бил воодушевен ако пониските нивоа на покриеност со вакцинацијата се доволни за да се вратиме во нормален живот, рече тој за „Ле Парисиен”
извор: слободенпечат.мк
