Според годишните планови за вработувања во инспекциските служби, Државниот пазарен инспекторат ќе добие 15 нови вработувања за оваа година. Овие 15 вработувања се реализираат независно од вработувањата според усвоениот План за распределба на административните службеници преку Програмата К-5.
На почетокот на февруари, Владата на седница ги задолжила Министерството за финансии, Министерството за информатичко општество и администрација и Министерството за политички систем и односи со заедниците, со највисок приоритет да ги разгледаат и одобрат Годишните планови за вработување во инспекциските служби за 2021 година во сите инспекциски служби, меѓу кои со висок приоритет бил Државниот пазарен инспекторат.
Административните службеници кои се распоредуваат не се замена за редовните побарувања за кадри кои ги имаат институциите, како на пример, побарувањата што ги имаат инспекторатите. Побарувањата за нови вработувања одат низ засебна, целосно одвоена процедура врз која никако не влијаат распоредувањата на административните службеници според правична застапеност.
Д. Е.