Оваа интерпелација за мене претставува уште една можност со гордост да ги презентирам и конкретните резултатите од работењето на полицијата, каде во скоро сите сегменти е очигледно подобрувањето, а евидентно е и намалувањето на криминалитетот. Реконструиравме 54 објекти на МВР, набавивме униформи и опрема, пловни објекти и мотоцикли за полицијата, обезбедивме средства за бонус плати, вели Спасовски. По моето враќање во МВР стартуваше оперативната акција „Бегалец”, уапсени над 400 криминалци барани по централна или меѓународна потерница, додава тој.
ВМРО-ДПМНЕ, ја напушти седницата и избега од дебата со Спасовски, свесни за одличните резултати на полицијата, за бројките на анкетите каде полицијата е со најголема доверба кај граѓаните. Сите бројки што се официјални покажуваат дека криминалитетот опаѓа, а пред фактите нема одбрана па затоа ВМРО-ДПМНЕ како божем неискусни одбраа намерно да избегаат од дебата, криејќи се зад процедурална грешка.
Бројот на новозаболени од Ковид-19 се намалува, трендот е дефинитивно таков, епидемиолошката крива е во опаѓање. Денеска има и помалку од 100 новодијагностицирани случаи. Сето тоа се чувствува и во болниците насекаде низ државата, каде беа многу полни капацитетите, сега има тренд и тој број испишани пациенти е поголем од примените, изјави денеска министерот за здравство Венко Филипче. Додаде дека за престојните празници Велигден и Бајрам нема да има полициски час.
Дигитализацијата ја елиминира дискриминацијата, затоа што учебниците ќе бидат достапни и во аудио формат, на сите наставни јазици, и за прв пат ќе се печатат и на Брајово писмо за учениците со оштетен вид. Младите ја поддржуваат дигитализацијата на образованието, со комбинираниот модел што стартува од септември заедно ќе ги надминеме сите дилеми и предизвици, велат од МОН.
OJO Скопје поднесе Обвинителен акт против креаторот и администраторот на групата „Јавна соба“ кои се товарат за кривично дело – Производство и дистрибуција на детска порнографија. Надлежниот јавен обвинител, до Основниот кривичен суд – Скопје, достави и предлог за продолжување на претходно определената мерка притвор за двајцата обвинети, информираат од обвинителството.
Кај онлајн медиумите најмногу содржини за Пописот објавија Фронтлајн (23.3% од вкупниот број анализирани прилози), Курир (21.5%) и Плусинфо (21.3%), додека 360 степени учествуваше со 9.3% од вкупниот број анализирани содржини.
Денешната прес-конференцијата на министерот за здравство Филипче и Хасани беше прекината во еден момент од човек кој замоли за помош за тешко болен пациент. Веднаш однесете го во трауматологија и јас ќе дојдам таму, рече Филипче. Министерот Филипче го праша пациентот колку време е во количка, како се повредил и дали се чувствива добро.
М. Миткоска
