Премиерот Зоран Заев денеска на прес-конференција потврди дека утре на седница на Владата една точка ке биде разрешување на директорот на ДПИ, Стојко Пауновски, кое го најави премиерот минатата недела поради ,,пркос со надлежните кој не е дозволен’’, во врска во вработувањето на лица по ,,рамковен’’.
,,Директорот Пауновски е информиран со дописи за систематизацијата. Во меѓувреме не побарал да разговара со нас. Последното негово писмо до мене или до вицепремиерот Груби е во јануари. При изготвување на планот за прераспределба на лицата е земено во предвид и образованието.
Од увидот во образовниот профил, утврдено е дека 24 вработени кои треба да бидат превземени, ги исполнуваат условите. Ова значи дека овие лица може да бидат превземени како административни службеници.
Директорот Пауновски беше писмено известен во врска со оправданоста и начинот на распределбата, со тоа што тој не го прилагодил актот, што е дел на обврска.
Со процесот на распределба се решава децениски проблем. А превземањето на вработени нема импликации за буџетот, затоа што станува збор за лица кои земаат плата, а не одат на работа. Станува збор за законска обврска, за закон кој е донесен во декември 2020 година. Ова е обврска за сите, што се дел од институциите, особено за носителите на одговорните функции’’, рече Заев
