Започнува масовната имунизација на населението, во повеќе регионални центри низ државата – Скопје, Куманово, Штип, Кавадарци, Тетово, Охрид и Битола. Предвидено е да се вакцинираат меѓу 10 до 15 илјади граѓани на ден, со што здравствените власти очекуваат до почетокот на летото да имаме висок процент на вакцинирано население и целосно менување на епидемиолошката состојба.
Одбележани 118 години од смртта на македонскиот револуционер и борец за слобода Гоце Делчев. Покрај делегациите на државните институции, во чест и сеќавање на Гоце Делчев цвеќе положија и здруженија и граѓани.
Катерина Колозова реагира на бојкотот на родителите против дигитализацијата на учебниците: „Никој не може да ме убеди дека младите не го сакаат ова и дека родителите-штаботоми не инструираат на бојкот.“
Во ФРОНТ, Сашо Орданоски: Кој мисли зло не пее „На времето – што ќе рече, пред дамнешни 3-4 години – во сите релевантни домашни и меѓународни извештаи, регистерот на реалното загрозување на слободата на медиумите во Македонија се движеше од селективно делење големи државни пари, преку државни закани, малтретирања и затворања, до разни видови институционални шиканирања. А, денеска?“
РЕНДГЕН: Кабина
Објавен е конкурс за стипендии за ученици со попреченост запишани во прво одделение во учебната 2021/2022 година во рамки на проектот „Биди ИН, биди ИНклузивен, биди ИНклудиран“.
Институт за јавно здравје: Намалување од 40 отсто на нови случаи од Ковид-19 и 21 отсто помалку починати, споредено со претходната недела.
ЕК и Берлин со јасна порака – почеток на преговорите со Северна Македонија и Албанија што поскоро. Европската комисија со нетрпение очекува одржување на првата меѓувладина конференција со Северна Македонија и Албанија што е можно поскоро, ова е јасна позиција на Комисијата, но Советот е тој што треба да ги одобри преговарачките рамки што ги поднесовме веќе пред некое време, рече портпаролката за проширување на Европската комисија Ана Писонеро.
На денешен ден пред 41 година почина доживотниот претседател на Социјалистичка Федеративна Република Југославија – Јосип Броз Тито (1892-1980).
Нови парламентарни избори се сè позивесни во Бугарија и според локалните медиуми, се разгледуваат три опции за датумот на предвременото гласање за нови парламентарци откако партијата БСП, според најавите, ќе го врати мандатот за состав на влада откако ќе го добие утре.
На 140 пунктови денеска во Црна Гора почнува масовна имунизација на населението против Ковид-19 со кинеската вакцина на Синофарм. Граѓаните без закажување ќе можат да се вакцинираат.
Етереум, втората најголема криптовалута во светот, достигна нова рекордна вредност од 3.456,57 долари, зголемувајќи ја својата цена за околу 360 проценти од почетокот на оваа година, објави Си Ен Би Си повикувајќи се на најновите податоци на веб-страницата KoinDesk.
Надвозник се урна во главниот град на Мексико во време кога метро минувало нa него при што загинаа најмалку 13 луѓе и над 70 се повредени (ВИДЕО)
Милјардерот и филантроп Бил Гејтс и неговата сопруга Мелинда синоќа објавија дека се разведуваат по 27 години брак.
J. Ѓ.
