Перформанс под наслов „Место за поддршка – корупција на работно место кај жени“ ќе се одржи денеска во Скопје, со кој фокусот се става на борбата против насилството кое жените го доживуваат на своите работни места.
Перформансот е базиран на сведоштва на околу 500 жени кои ги споделиле своите искуства од своите работни места, во истражување кое беше спроведено во текот на март и април оваа година, преку онлајн истражување, анкета и интервјуа.
Тој е посветен на сите храбри жени кои преку своите сведоштва создаваат простор за поддршка за сите кои се соочуваат со насилство од било каков тип.
На овој проект се работи од крајот на 2020 година, а му претходат и искуствата на студентки кои имале сексуално вознемирување од страна на професори на своите факултети.
