Аргентинскиот фудбалски стручњак Маурисио Покетино повторно може да го предводи Тотенхем.
Според „The Independent“, раководството на Спарс сака да го врати 49-годишниот тренер поради можно заминување на Хари Кејн, кој може да се премисли доколку се врати Покетино.
Аргентинецот во моментов е шеф на стручниот штаб на ПСЖ со кого не успеа да го освои шампионскиот трофеј во Франција.
Покетино работеше во Тотенхем од 2014 до 2019 година. Заедно со тимот, тој се пласираше во финалето на Лигата на шампионите и Лига купот на Англија.
