На тешката трагедија во тетовскиот КОВИД-19 центар веднаш реагираше владата. Премиерот и повеќе министри веднаш формираа кризен штаб.
Пожарот е изгаснат, но згаснаа и многу животи. Борбата за живот трае сѐ уште, a сите служби реагираа пожртвувано и спасуваат луѓе.
Изразувам најдлабоко сочуство до семејствата и блиските на починатите и посакувам брзо закрепнување на повредените.
Причините за пожарот ќе бидат утврдени, за што правосудните органи се веќе на терен. Ова е навистина трагичен настан и можам да ве уверам дека целиот државен врв е посветен на брзо разрешување на оваа ситуација. Во моментов трае кризниот штаб во Општина Тетово. – објави премиерот Зоран Заев.
Засега е познато дека на пожарот му претходела експлозија, веројатно од плински боци.
