„Вие сте истиот Мицкоски кој на 27 април беше пред Собранието, додека внатре за малку не загинаа пратеници. Толпата која вие ја предводевте се обиде да го убие вашиот коалиционен партнер Зијадин Села, а денес кажувате дека вашата коалиција е многу природна и дека не е брак од интерес“ кажа премиерот Зоран Заев на дуелот со Христијан Мицкоски на Канал 5.
„Јас бев напред и ги штитев тие позади мене. Вие бевте предводник на толпата и потоа протестиравте во одбрана на кукавиците и криминалците што сакаа да одземат животи. Вие бевте советник на Груевски и бевте пред Собранието на 27 април“ кажа Заев.
Тој додаде дека граѓаните знаат во што верува ВМРО-ДПМНЕ, што направи ВМРО-ДПМНЕ со државата и додаде дека истата таа матрица од единаесетгодишното владеење постои и ден денес.
„Немате ставови, не знаете да изградите политики. Ние ја обезбедивме иднината на државата и земјата стана членка на НАТО“ кажа Заев.
