Соединетите Американски Држави ќе ги удвојат донациите за антиковид вакцините и ќе се обидат да ја соберат меѓународната заедница околу амбициозната цел да се достигне вакцинација од 70 проценти од населението на секоја земја во светот следната година, изјавија денеска претставници на американската администрација.
САД ќе купат и дистрибуираат дополнителни 500 милиони дози „Фајзер/Бионтек“ на земјите во развој.
Со тоадонацијата речиси се удвојува на повеќе од 1,1 милијарда дози што САД ветија дека ќе ги донираат досега, велат истите извори.
Ова треба официјално да го објави денеска американскиот претседател Џо Бајден на виртуелниот самит за борба против пандемијата, што тој ја организира.
Вакцините ќе бидат набавени по цена на чинење и ќе бидат испратени преку меѓународниот механизам Ковакс во други земји, најавија високи официјални лица.
Досега САД веќе испратија околу 160 милиони дози вакцини во повеќе од 100 земји.
извор: МИА
