Горан е чесен, Горан е вреден, Горан е професионален и што е најзначајно, исполнителен. Вака Милена Стевановиќ, директорката на Инфективната клиника во Скопје го опишува кандидатот за градоначалник на СДСМ за Општина Центар, Горан Герасимовски.
„Горан има визија, Горан знае што треба во Центар, Горан живее со проблемите од Центар не од почетокот на оваа кампања, Горан живее со проблемите од Центар веројатно откако знае за себе. Затоа верувам дека има комплетно разбирање за секој центарец што сака, што му треба и каде се проблемите кои верувам дека ги има. “, вели Стевановиќ за Герасимовски.
Инаку, Милена Стевановиќ заедно со Емилијан Станковиќ и Ирина Бухова беше една од неколкуте кандидати кои беа предложени од општинските одбори како кандидати за градоначалници за Општина Центар.
