Стручната комисија на Светската здравствена организација (СЗО) препорача денеска „умерено и значително имунокомпримирани“ луѓе да добијат дополнителна доза вакцина против Ковид-19, одобрени од агенцијата на ОН.
Експертите на СЗО сакаа да посочат дека не станува збор за препорака на трета доза за општата популација, за што организацијата се уште предлага мораториум до крајот на годината за ослободување на дозите за земјите со ниски стапки на вакцинација.
– Препораката што сега ја даваме е имунокомпромитираните лица да добијат дополнителна доза за да го зголемат нивниот имунолошки одговор на потребното ниво на заштита и со тоа да го спречат развојот на тешка форма на болеста што ќе бара хоспитализација или смрт, нагласи Кејт О’Брајан, директрка за вакцинација на СЗО.
Имунокомпромитирани лица – чиј имунолошки систем е ослабен – беа исклучени од клиничките испитувања во кои беа воспоставени протоколи за вакцинација.
-Оваа трета доза треба да се аплицира еден до три месеци по втората, нагласи О’Брајан.
