– На вчерашното снимање на едно видео обраќање на кандидатката за советничка Дина Спировска за скандалите околу салата Расадник и Данела Арсовска, се појавил активист на ВМРО-ДПМНЕ кој не дозволувал да продолжи снимањето и дофрлувал до присутните, велат од градската организација на СДСМ, Скопје.
Како што известуваат, повикана била полицијата која изготвила службена белешка и го отстранила човекот од локацијата, по што снимањето продолжило.
„Што сака да скрие ВМРО-ДПМНЕ од граѓаните на Скопје што не дозволува да се снима салата Расадник? Зошто партиски активисти се подготвени физички да се конфронтираат заради независна кандидатка?“, прашуваат од СДСМ Скопје.
Прес-конференцијата е за состојбата во која се наоѓа салата Расадник.
„Ако вака изгледа само една спортска сала менаџирана од Данела Арсовска, замислете како може да изгледа Скопје препуштено на нејзино управување.
Во периодот од 2005 до 2014 салата Расадник во Кисела Вода под Данела Арсовска интензивно се распаѓа, спортските клубови кои таму тренирале еден по еден ја напуштаат, а таа ниту прави нешто да го запре тоа ниту пак да го спречи распаѓањето на оваа позната скопска сала.
Нејзината фирма денес должи 50.000 евра за струја, како и 130.000 евра долг кон ЈП за спортски објекти.
Ова е само едно од делата на менаџерката Данела Арсовска, да не ѝ дозволиме истото да го направи и со нашиот град!“, велат од СДСМ, Скопје.
