Само три години поминаа од заканите по живот упатени од страна на ВМРО-ДПМНЕ и нивните симпатизери до пратениците кои гласаа за уставните измени. Тие пратеници тогаш бараа полициска и заштита од странските дипломатски претставништва, плашејќи се за своите животи. Сепак денес, токму заканувачите од ВМРО-ДПМНЕ се тие кои обвинуваат дека некој друг прави притисоци и закани кон пратеници.
Пратениците кои гласаа ЗА Договорот од Преспа во Собранието во 2018 година беа чувани од полиција поради заканите на социјалните мрежи, но и нивните телефони кои го добиваа од опозициската ВМРО-ДПМНЕ и нивните поддржувачи.
Пораките со заканите по нивните животи, пратениците тогаш ги споделуваа со нивните колеги, но и пред меѓународните претставници и новинарите. Во некои од заканувачките пораки на смс, вибер и на воцап се споменувани и деца.
Сега, свесни дека замисленото парламентарно мнозинство на Мицкоски и Апасиев не постои, ВМРО-ДПМНЕ со партиско соопштение се обидува да протне приказна дека СДСМ вршеле притисоци и закани на пратеници. Обидувајќи се да ги прикријат своите методи, опозиционерите ги обвинуваат другите за тоа што тие го прават.
