Сведоци сме на време во кое по сите социјални мрежи се промовира сè што е нереално и вештачко, па скоро секој од нас барем за момент се чувствува неудобно во својата кожа. Секој има песна која го подигнува кога се чувствува лошо. Настрана од голотијата и оскудноста, кога станува збор за чувството на самодоверба во сопствената кожа, овие песни од светските познати изведувачи се најдобри!
„Juice“ од Лизо
„Juice“ од Лизо е песна која има за цел да направи сите жени да се чувствуваат самоуверено. Лизо никогаш не бегала од изразување на своите ставови за позитивноста на телото во нејзината музика. Оваа песна е ода да се чувствувате убаво и да ги искористите сите придобивки кое вашето тело ги нуди. Кралицата на позитивноста во врска со телото Лизо, не пропушта прилика да инспирира многумина да се чувствуваат подобро во својата кожа.
„All about that bass“ од Меган Трејнор
Овој класичен хит од 2014 година сè уште е потсетник дека убавината доаѓа во сите облици и големини. Песната не потсетува да не се споредуваме со другите и дека големината на облеката не ја дефинира убавината.
„Scars to your beautiful“ од Алесија Кара
Алесија Кара е позната по пишувањето песни кои ги разработуваат прашањата кои влијаат на генерациите. Во оваа песна, таа се занимава со сложената тема на самодовербата. Нејзините стихови ја осветлуваат самокритиката и ѝм даваат надеж на оние кои се во депресија, оние кои се со „темни мисли“.
„Crooked smile“ од Џеј Кол
„Сакај се, девојче, или никој нема да те сака“ се дел од стиховите од овој хит на Џеј Кол. Уметниците успеаја да ги изразат своите размислувања за тоа што ја прави самоуверена жената и за борбите со кои се соочуваат повеќето девојки кога станува збор за усогласување со општествените стандарди.
„Тhunder thighs“ од Мис Ивс
Борбите со кои се соочуваат некои девојки обично не се истакнуваат во музиката. Оваа песна на Мис Ивс оди против сè што општеството има да каже за сликата на телото и дава слика каде што борбите со кои може да се соочите со вашето тело можат да бидат најдобри работи за вас.
Пораката на овие песни е да се сакаме онакви какви што сме, има убавина во секоја маана за оние очи што знаат да го препознаат убавото.
подготви: Миткоска Марија
