АД ГТЦ СКОПЈЕ е во мнозинска сопственост на државата, а извршниот директор го именува Владата. ГТЦ поседува над 500 локали, од кои дел се во сопственост на ГТЦ, а дел се приватизирани.
Гледано во проценти, деловен простор кој е приватизиран е помеѓу 65 – 70 отсто. Во однос на процентот на акциите, 97 отсто се во сопственост на ГТЦ. Приватизацијата на просториите во објектот е почната во 1996 година па наваму.
– Магацините се мал дел во сопственост на ГТЦ, а останатите се продадени. Во конкретниот случај магацинот за кој се изрази сомневање за копање крипто валути е во сопственост на ГТЦ. Просторот е изнајмен согласно сите сите процедури и се врши редовна исплата на наемнината. Ние немаме право да контролираме што се случува во магацинските простории, вели за Утрински брифинг директорот на ГТЦ, Ѓоко Трајчевски.
-Морам подетално да објаснам постојат три начини на мерење на потрошувачката на електрична енергија, директно, полудиректно и индиректно. Директоно се мери 85 проценти со стандардните апарати. Останатото е за оние корисници кои имаат потреба од повлекување дополнително количество електрична енергија. Тие имаат посебни саати кои го мерат протокот и потрошената енергија. До ГТЦ стигаат две фактури, едната од нив е за испорачана електрична енергија. Договорот со ЕВН е врз основа на јавна набавка, појаснува Трајчевски.
– Одговорно тврдам дека во нашиот објект нема крадење струја. Познавачите на делот во енергетика знаат дека фактор триесет се односува на поголемите потрошувачи и кај нив цената поради поголемата потрошувачка се наплака за 30 проценти поскапо за дополнителната услуга и тука настанува забуната, вели Трајчевски.
Тој додава дека непријатно е што во медиумите се шпекулира и се пласираат невистини за ГТЦ, оти сѐ е регулирано, рече за УБ директорот на ГТЦ АД Скопје, Ѓоко Трајчевски.
