Професорката Мирјана Најчевска со серија објави на Фејсбук во врска со актуелните настани околу вакцинацијата и дали и кога би постоела дискриминација.
„Мислам дека пандемијата ја исцрта една од најјасните граници меѓу луѓето. И навистина мислам дека треба да не загрижи бројноста на групата која е заглавена во 16 век.“, пишува Најчевска.
Таа се осврнува на фактичката состојба и на тоа кога евентуално би постоела дискриминација.
„Има болест од која се умира.
Се шири низ светот.
Откриен е вирусот кој ја предизвикува.
Откриена е вакцина која помага.
Дискриминација би имало ако:
-има вакцина, меѓутоа им се дава само на одредени луѓе, а не на сите
-само некои луѓе се тераат да се вакцинираат, а не сите
-вакцината се купува, а тоа не може да го платат одредени луѓе
Другото е незнаење и примитивизам.“, наведува Најчевска.
Професорката Најчевска за наводите од синдикатите кои се повикуваат на документи од Советот на Европа вели – за да се разберат работите треба да се има минимум знаење од одредена област. Во спротивно, нагласува, тоа е ширење на лажни вести.
„Ако е ова документот на кој се повикуваат синдикатите и …, треба да се имаат предвид неколку работи:
- Ова е документ кој го има донесено Генералниот секретар на Советот на Европа на ниво на информација
- Во него се изразува загрижа, а не се завзема став.
- Загрижата за можна дискриминација се однесува на луѓето кои немаат достап до вакцини и оние кои од здравствени причини не моожат да ги примат (“These risks are all the more real as the progress of the vaccination campaign does not yet ensure that everyone has access to vaccinations and there is no guarantee that the situation of people who, for medical or other reasons, cannot be vaccinated will be duly taken into account.“).
За да се разберат работите треба да се има минимум знаење од одредена област.
Во спротивно тоа е ширење на лажни вести.“, вели Најчевска.
Професорката потоа надополнува со друг документ и додава:
„Ако е ова документот на кој се повикуваат (https://pace.coe.int/en/files/29004/html), вистина е дека стои: with respect to ensuring a high vaccine uptake:
7.3.1 ensure that citizens are informed that the vaccination is not mandatory and that no one is under political, social or other pressure to be vaccinated if they do not wish to do so;
7.3.2 ensure that no one is discriminated against for not having been vaccinated, due to possible health risks or not wanting to be vaccinated;
Меѓутоа, пред ова се наведени сите елементи зошто луѓето треба да бидат вакцинирани.
Ова е донесено од страна на тело на Советот на Европа кое има советодавна улога.
Од друга страна, Судот за човекови права, веќе има три пресуди во кои се обидел да ги спротивстави различните права кои се во колизија во настанатата ситуација и неговите пресуди се многу јасни и на страна на вакцинирањето.“
Најчевска упатува што би било рационално сега да се направи и за кои лица би било дискриминација да се натераат да се вакцинираат.
„Она што во моментот треба да се направи е да се идентификуваат луѓето кои не би требало да примат вакцина (од чисто здравствени причини).
Такви се многу малку.
За нив барањето за доказ за вакцинација е дискриминација.
И само за нив.
И мора кривично да одговараат сите доктори кои ќе издадат лажни потврди за вакцинација.
Со казна затвор.“, пишува професорката Мирјана Најчевска.
Ј. Ѓорѓиоски