Човечка грешка е водечката и основна верзија за трагедијата на автопатот „Струма“. Ова го изјави заменик главниот обвинител и директор на Националната истражна служба, Борислав Сарафов на брифинг, пренесува БНТ.
Освен тоа, на местото на инцитентот се нотирани лоша патна сигнализација, лошо означување и лоша организација на движењето. Според зборовите на Сарафоц, банкината во која првично удрил автобусот е опасна и придонела инцидентот да се случи.
Портпаролката на главниот обвинител, Сијка Милева изјави дека Иван Гешев наредил проверка на сигнализацијата и патните ознаки на првокласните патишта низ целата држава. Во проверката ќе бидат вклучени и странски експерти како и претставници на невладини организации. Доколу се соберат податоци за сторено кривично дело, истите ќе бидат испратени до надлежните органи. Ако се утврдат прекршоци, тие ќе бидат проследени до Министерскиот совет.
Сијка Милева исто така кажа дека, еден од преживеаните на распитот рекол дека се спасени 8, а не 7 луѓе. А на местото на трагедијата пронајдени се 44 тела на загинати. Затоа надлежните ја проверуваат оваа верзија, дали има уште еден преживеан и каде се наоѓа тој. Можно е и некој од патниците да се качил/да преминал во некој од другите автобуси на туристичката агенција, на територијата на Бугарија, и затоа да има еден патник помалку.
Целата вест на БНТ.
