Соларната сонда Паркер стана првото вселенско летало што го „допре“ Сонцето откако успешно прелета низ сончевата корона и излегло неоштетено. Именувана по астрофизичарот Јуџин Паркер, соларната сонда Паркер на НАСА, била лансирана во 2018 година, со мисија да добие подлабок увид во еволуцијата на Сонцето. Научниците, исто така, се надеваат дека ќе може да одговори на прашањата за сончевите блесоци кои често негативно влијаат на животот на планетата Земја.
Се очекува леталото да ја испита и причината за драстичната разлика во температурите на короната и површината на Сонцето. Додека короната има температура од околу еден милион Келвини, површината на Сонцето се вели дека е околу 6.000 Келвини. Како дел од својата мисија, Соларната сонда Паркер веќе можеше да го набљудува феноменот наречен „превртување“ или ненадејни превртувања од 180 степени во магнетното поле на Сонцето, помагајќи им на научниците да утврдат дека тие потекнуваат од сончевата површина. Порано претставувало само теорија, никогаш не било измерено.
Според истражувањето објавено во Physical Review Letters, соларната сонда Паркер успешно летала низ надворешната атмосфера на Сонцето, позната како корона. Според НАСА, ова е прв пат вселенско летало да влезе во Сончевата корона и да ја допре атмосферата на Сонцето. Додека официјалното соопштение од НАСА дојде на есенскиот состанок на Американската геофизичка унија 2021 година во Њу Орлеанс во вторникот, вистинскиот подвиг се случил на 28 април 2021 година, кога сондата помина дури пет часа во сончевата корона, набљудувајќи го она што се наоѓа во него.
Подготви: Марија Миткоска
