Бугарскиот претседател Румен Радев за понеделник (10 јануари) го закажа состанокот на Консултативниот совет за национална безбедност, објави прес-службата на бугарскиот претседател.
Темата на состанокот, како што се наведува во соопштението, е „Интеграцијата на Западен Балкан во ЕУ. Улогата на Република Бугарија во проширувањето на ЕУ и во процесот на стабилизација и асоцијација: Република Северна Македонија и Албанија“.
Овој состанок Радев го најави уште минатиот месец, по свеченоста на која Централната изборна комисија му го врачи уверението за избор на претседател на Бугарија.
