Бектеши го повика Град Скопје и општините во склоп на градот да ги платат сметките за топлинска енергија

Сакам да ги повикам Градот Скопје и општините во склоп на Градот Скопје барем да ги платат сметките за топлинска енергија за месец декември бидејќи до ден денес тоа не го направиле, кажа министерот за економија Крешник Бектеши во вечерашното гостување во Дневникот на Телевизија Сител.

„Минимум што можат да направат е да ги платат сметките за парно греење“, рече Бектеши.