По телефонска дојава од страна на граѓани на 195, а и до директорот на ЦУК, Стојанче Ангелов, за драстично покаченото ниво на реката Вардар во Општина Аеродром кај мостот во градба, до хотел „Русија“ институциите, заедно со директорот Ангелов излегоа на терен, известуваат од Центарот за управување со кризи.
Центарот за управување со кризи веднаш, согласно мапите на процес и процедурите, контактираше со одговорните лица на Град Скопје, Општина Аеродром, МВР и Дирекцијата за заштита и спасување, а и други субјекти од Системот за управување со кризи.
Од Центарот за управување со кризи информираат дека веднаш се пренесени информациите и е побарано од истите веднаш да излезат и да се упатат на терен на местото на настанот за да се направи соодветна проценка за можноста од евентуално поплавување за соодветно да се реагира.
„Институциите се на терен, а местото и лично го посети и директорот на ЦУК, Ангелов. Истовремено, се повикани и надлежните од фирмата изведувач на проектот, за да се произнесат во однос на потребата од превземање на соодветни мерки за надминување на проблемот ако е потребно и со отстранување на делумните препреки на десната страна од речното корито, како и со дополнителни превентивни активности. Надлежните од Општина Аеродром и од Град Скопје ќе бидат во континуиран контакт со ЦУК со информации за превземените мерки и активности“, известуваат од ЦУК.
По информациите кои ги добиле од Центарот за управување со кризи како причина се наведува изведбата на работни активности на градба на мостот, фирмата иведувач на работите најверојатно за потребите на градбата имаат попречено дел од речното корито со што директно се влијае на намалување на капацитетот на протокот на водата во речното корито.
Секако, нормално е дека ваквиот настан предизвикува интерес и внимание кај граѓаните кои пак веќе час и половина во континуитет пријавуваат на телефоните на институциите, плашејќи се од можно излевање, информираат од ЦУК.
