Владата предводена од СДСМ на вчерашната сеница донесе одлука за продолжување на мерката со која дополнителните количини на електрична енергија ќе се обезбедат од домашно производство, велат од СДСМ во соопштение.
– Тоа значи дека Друштвото за производство на електрична и топлинска енергија „ТЕ-ТО“ АД Скопје, ќе работи седум дена во неделата во периодот од 00:00 часот наутро до 24:00 часот со полна моќност до 31 март 2022 година, а целата произведена енергија ќе биде откупена од АД ЕСМ. Со ова се обезбедува континуирано парно греење за Скопје.
Како што вети, Владата предводена од СДСМ ги решава проблемите со кризата за топлинска енергија. За разлика од неодговорниот однос на градоначалничката Данела Арсовска која не презема ништо да им помогне на скопјани, СДСМ преку институциите што ги предводи презема навремени и ефикасни решенија за надминување на последиците предизвикани од енергетската криза, се вели во соопштението на СДСМ.
