Нов мобилен мамограф инсталиран во Здравствен дом Неготино, обезбеден со поддршка од Владата на Бугарија. За таа цел, министерот за здравство Беким Сали заедно со амбасадорот, г. Ангел Ангелов и министерката за надворешни работи на Бугарија, Теодора Генцовска денеска присуствуваваше на примопредавањето на овој апарат чија вредност изнесува 140 000 евра, информираат од Министерството за здравство.
Ја приближуваме оваа дијагностичка процедура до жените и во помалите населени места и фокусот го ставаме на превенцијатата зашто навременото дијагностицирање на канцер на дојка спасува живот, и воедно преземаме активности за намалување на времето на чекање за прегледи и воведување дополнителни термини за мамографија и ехо на дојка. Паралелно, заедно со докторите, здравствените установи и невладиниот сектор и во наредниот период продолжуваме со систематско решавање на пристапот до нова иновативна терапија која може да спаси живот на многу пациентки, истакна министерот Сали.
Од Министерсдтвото известуваат дека предноста на овој мамограф, е што е пренослив и согласно потребите ќе биде ставен на располагање за жените и од други помали населени места.
