Германскиот канцелар, Олаф Шолц, денеска ќе се обрати пред Парламентот во Берлин на која ќе ја образложи одлуката за директна испорака оружје за Украина, одлука што е промена во долгогодишната политика на Германија кога се работи за извоз на оружје.
Владата во Берлин синоќа се одлучи на пресврт во политиката на извоз на оружје, најавувајќи поддршка на украинските оружени сили со илјада противтенковски орудија и 500 рачни противавионски ракети од типот „Стингер“. Оружјето што веќе го поседува Бундесверот ќе биде испратено за Украина што е можно поскоро.
The Russian invasion marks a turning point. It is our duty to support Ukraine to the best of our ability in defending against Putin’s invading army. That is why we are delivering 1000 anti-tank weapons and 500 #Stinger missiles to our friends in #Ukraine.
— Bundeskanzler Olaf Scholz (@Bundeskanzler) February 26, 2022
„Руската инвазија на Украина означува пресвртница… што го загрозува целиот повоен поредок. Наша должност е да дадеме се од себе за да ја поддржиме Украина во нејзината одбрана од војската на Путин“, објави Шолц синоќа на твитер.
Украинскиот претседател, Володимир Зеленски, веднаш ја поздрави одлуката на канцеларот Шолц.
Germany has just announced the provision of anti-tank grenade launchers and stinger missiles to Ukraine. Keep it up, Chancellor @OlafScholz! Anti-war coalition in action!
— Володимир Зеленський (@ZelenskyyUa) February 26, 2022
„Германија штотуку најави обезбедување на Украина со противтенковски гранати и ракети Стингер. Продолжете така, канцеларе Шолц. Антивоена коалиција на дело!“, напиша Зеленски.
