Шефот на регионалната државна управа на Запорожје вели дека безбедноста на нуклеарната електрана Запорожје е „осигурана“, јави Би-Би-Си.
Александар Старук објави само една реченица на Фејсбук, велејќи дека разговарал со директорот на нуклеарната централа Запорожје во Енерходар и дека бил уверен дека е безбедна.
„Директорот на ЗНПП ме увери дека во моментов нуклеарната безбедност на објектот е осигурана“, напиша тој на Фејсбук.
Изјавата доаѓа откако највисоките украински официјални лица предупредија на можна нуклеарна експлозија поради гранатирањето од страна на руската војска.
Меѓународната агенција за атомска енергија (МААЕ) објави дека разговарала со украинското раководство и ѝ било кажано дека „суштинската“ опрема во централата сè уште функционира.
„Украина и соопшти на МААЕ дека пожарот во округот на нуклеарната централа Запорожје не влијаел на суштинската опрема, персоналот на централата презема мерки за ублажување“, објави агенцијата на Твитер.
Украинската државна служба за итни случаи извести дека условите за безбедност од радијација и пожар во нуклеарната централа Запорожје се „во граници на нормалата“.
„Од 02:26 часот во градот Енергодар во АЕЦ Запорожје, третиот блок е исклучен од единствениот енергетски систем (работи само блок 4). Од шесте блока моментално работи еден.
Условите за безбедност од радијација и пожар во нуклеарната централа се во нормални граници, извести Украинската државна служба за итни случаи.
Ј. Ѓ.
