Руските власти сакаат да создадат митови околу својата војска, за Русите да веруваат во „непобедливост“.
Руската пропаганда достигнува ново ниво. За Русите да не се сомневаат во армијата и раководството, Руската Федерација подготвува голема кампања за митологизирање на војната во Украина. Главната порака се „предностите“ на руската армија во однос на трупите на НАТО, кои Русија ги негува како „главен непријател“, пренесува Бигмир.нет.
Ова го објави Центарот за спротивставување на дезинформации во Советот за национална безбедност и одбрана на својот канал на Телеграм.
На информациското поле и во својата земја и во странство, Кремљ ја шири темата за „ефективноста на руските вооружени сили над трупите на НАТО“ и дека, наводно, според експертите, руската војска „користи нестандардни методи на војување во Украина“.
За да го направат тоа, пропагандистите користат изјави извадени од контекст на американскит воени аналитичари Андреас Вебер и Трент Теленко. Ова е направено за луѓето лажно да мислат дека Соединетите држави ги поддржуваат акциите на Руската Федерација, па дури и ги анализират „воените достигнувања“ на Русите.
Советот за национална безбедност и одбрана нагласува дека Вебер и Теленко исклучиво ги поддржуваат вооружените сили на Украина во украинско-руската војна. А постапките на Русија ги коментираат само негативно.
Русија ја користи митологизацијата на војната и својата војска за Русите да веруваат и да не се сомневаат дека нивната земја „херојски ги исполнила сите поставени задачи“, а всушност тие доаѓаат до непостоечки победи.
НАТО ја предвидува втората фаза од војната во Украина во блиска иднина. Алијансата смета дека тоа ќе биде потешко и покрваво, но и неизбежно.
Превод: Жорж Димовски
