Соединетите Американски Држави, како лидер на слободниот свет, мора да и ја дадат на Украина потребната помош во спротивставувањето на руската агресија. САД треба да ѝ дадат на Украина авиони МиГ-29, системи за противвоздушна одбрана, противтенковски ракети и муниција, пишува Kp.ua.
Мит Ромни, американски сенатор од Јута, го изјави ова во коментар за Guildhall.
„Како лидер на слободниот свет, Соединетите Држави имаат одговорност да ја заштитат слободата и да промовираат мир. Да и помогнеме на Украина да се одбрани од руската инвазија не само што е правилно, туку е неопходно за одржување на безбеден и просперитетен свет – нашето учество ја гарантира нашата национална безбедност и ги зајакнува нашите глобални интереси“, рече американскиот политичар.
„САД, во координација со нашите партнери и сојузници, мора да направат се што е во наша моќ за да одговорат на повикот да му помогнат на народот на Украина да се одбрани од грозоморните постапки на Путин. Императив е американската влада да и ја испорача многу потребната помош на Украина. Ја предводев резолуцијата со која се повикува администрацијата на Бајден да ја зголеми нашата воена помош и да и обезбеди на Украина авиони МиГ-29, системи за противвоздушна одбрана, противтенковски ракети и муниција за борба и обезбедување на нивната земја и небо“, резимира Мит Ромни.
Повик за зголемување на воените испораки на Украина упати и министерот за одбрана на Канада во сенка, пратеникот во канадскиот парламент Џејмс Безан. Според него, Канада треба да и обезбеди на Украина противбродски ракети Харпун, лесни оклопни возила ЛАВ и оклопни амбулантни возила, додека сојузниците на НАТО треба да и обезбедат авиони МИГ-29.
Американскиот сенатор Тед Круз од Тексас изјави дека Соединетите Американски Држави се одговорни за обезбедување на Украина со се што е потребно за да се заштити од Русија. Според него, системи за противвоздушна одбрана, борбени авиони и друго смртоносно оружје треба веднаш да и бидат доставени на Украина.
Членот на Претставничкиот дом на британскиот парламент, Сер Роџер Гејл, говорејќи за зајакнувањето на воената помош за Украина, рече дека целото неопходно оружје од одбранбен карактер, вклучително и борбени авиони, треба да биде префрлено во Украина. Обемот на воена помош и брзината на испорака мора да се зголеми.
Германскиот Бундестаг повика и на зголемена воена помош за Украина. Пратеникот од редовите на Зелените во Бундестагот, Робин Вагнер, рече дека заедно со санкциите и политичкиот притисок врз Русија, пред сè е неопходно да се зголеми снабдувањето со оружје за Украина за ефикасна одбрана, како и за ослободување на окупираните територии.
Заменик-претседателот на Сеимот на Република Литванија Паулиус Саударгас рече дека земјите што ја претставуваат демократската заедница треба да достават тешко оружје во Украина, особено тешко оружје од офанзивна природа, бидејќи во Украина се води војна за да се заштити целиот свет. правен поредок.
Шефот на Европскиот совет, Шарл Мишел, по рускиот удар на Краматорск, најави потреба од зголемување на санкциите против Русија и обезбедување повеќе оружје за Украина.
Превод: Жорж Димовски
