Звукот на „Sunday Bloody Sunday “ одекна од метрото во центарот на Кијив, Украина. Боно и The Edge излегоа на импровизирана сцена во импровизираното засолниште и изведоа изненадувачки 40-минутен концерт додека имаше воздушни напади. а се слушаа сирени кои алармираа на узбуна од бомбардирање.
Боно на Твитер напиша дека се дојдени на покана на украинскиот претседател Зеленски и ќе настапат како знак на солидарност со украинскиот народ.
President @ZelenskyyUa invited us to perform in Kyiv as a show of solidarity with the Ukrainian people and so that’s what we’ve come to do. — Bono and The Edge #StandWithUkraine
— U2 (@U2) May 8, 2022
За време на концертот, фронтменот на U2 ја пофали борбата на Украина за слобода и истакна дека борбата што ја води украинскиот народ не е ограничена на релативно мала географска област, туку одекнува низ целиот свет.
Bono (U2) and “Antytela” band in Kyiv metro ?? #Ukraine pic.twitter.com/C89h2gehZD
— Kristina Berdynskykh (@berdynskykh_k) May 8, 2022
„Народот во Украина не се бори само за вашата слобода, вие се борите за сите нас кои ја сакаме слободата“, им порача Боно на толпата од стотина луѓе собрани во метро станицата Хрешчатик.
Оваа вечер, на 8 мај, ќе одекнат истрели на небото на Украина, но конечно ќе бидете слободни. Тие можат да ви ги одземат животите, но никогаш не можат да ви ја одземат гордоста“, рече фронтмеенот на култната U2.
Ј. Ѓ.
