Урбана инсталација со која се продолжува акцијата против дезинформациите предупредува – Внимание, се појавија лажговците со кратки нозе – не наседнувајте! Лажговците со кратки нозе фатени среде Скопје.
На лагата и се кратки нозете. Не наседнувајте на лажни вести, е главната парола на инсталацијата.
Викендов на повеќе локации низ Скопје анонимни активисти поставија и макети од мобилни телефони на чии екрани се претставени некои од најчесто употребуваните и најштетните дезинформации во Македонија.
Покрај секоја од лажните вести напишана е по една народна поговорка или адаптација на народна мудрост која укажува на штетноста, неморланоста и опасноста од манипулациите врз населението. Авторите на инсталациите поставија пет најзлонамерни дезинформации и ги соочија со пет народни мудрости.
