Пропагандистите на Кремљ им се заканија на сите „преведувачи“ и „предавници“ кои работат за Западот, како и на земјите кои не ја поддржале Русија дека се уште не дошле на ред, и дека треба да се среќни поради тоа. Видео снимката ја објави Џулија Дејвис од Russian Media Monitoring.
Kremlin propagandists sound pretty put out with my reporting that exposes their vile threats and warmongering conversations to the Western world. They also resent the headlines calling them names they don’t like [Putin’s cronies, puppets, stooges]. Oh well, if the shoe fits… pic.twitter.com/OpBjna9S1e
— Julia Davis (@JuliaDavisNews) June 21, 2022
„Чувствувам дека „прозападници“ ја следат нашата програма многу внимателно, мислејќи дека има скриени пораки, кога и како ќе ги нападнеме. Дали навистина не разбирате дека сме на само неколку секунди од Трета свестска војна? Па дури и тие секунди истекоа. Русија воопшто не е агресор, ние само делуваме рационално, што е очигледно од фактот дека за 30 години успеавме од земја која практично се распадна, да станеме земја од која сите се плашат, обидувајќи се да нè уништат. Русија има најсупериорно стратегиско оружје, но нашата хуманост нè спречува да го употребиме. Но не можете вечно да сметате на нашата хуманост. До тие што ја гледаат нашата програма, да ве потсетам дека нашата програма е забранета, банирана. Забранета е во Велика Британија, Германија, и во други земји кои претендираат да бидат демократски. Тоа значи дека тие што нè гледаат се специјално обучени бегалци од Русија, копилиња што зборуваат руски јазик. Тие се предавници како Андреј Власов. Вие коишто нè гледате и преведувате во моментов, вие сте предавници, вие сте Власовици. И не е важно што некои од вас имаат некои врски со Евреите, вие го продадовте нашиот народ многу одамна, кога решивте да ѝм служите на оние кои сакаат да ги оживеат Нацистичките идеи во Европа, посебно поддржувајќи ги Украинските нацисти, рече водителот на „Вечер со Владимир Соловјев“.
Политикологот Димитриј Евстафиев пак рече дека сите соговорници во студиото се всушност „добри полицајци“ кои не наоружуваат луѓе да војуваат.
„Од време на време читам што пишуваат некои луѓе за Русија. Јас навистина не ги знам тие луѓе. Некогаш ги пишуваат нивните биографии. Тие се отпадници, за фрлање. Што е најважно, тие не разбираат дека ние сме добрите полицајци, со екстремно ретки исклучоци. Лошите полицајци ретко доаѓаат во ова студио, или воопшто не доаѓаат. Ние сме добри луѓе тука, љубезни, не наоружуваме луѓе да решаваат конфликти со воена сила. Ние се залагаме за дијалог и партнерство, па дури и интеграција до одредено ниво“, рече Евстафиев.
На крајот Соловјев се обрати до „предавничките копилиња“ кои преведуваат за Западот дека уште не дошле на ред нивните земји и дека треба да се среќни поради тоа.
„А тоа е така дека Путин е многу мирољубив човек. Ние дури и ви помагаме да се борите против тероризмот. А вие?, се издиша на крај Соловјев.
Обработка: И. Т. Зафировска
