Овогодинешниот самит ќе биде посветен на повоената обнова на Украина. И не се работи само за реконструкција. Станува збор за враќање на луѓе, односно за раселени лица кои не треба да станат бегалци. За сета потребна помош и рехабилитација за настраданите од војната. И за заживување на општествениот живот во заедниците и градовите кои беа уништени од окупаторите, истакна украинскиот претседател Зеленски во своето обраќање.
Обраќањето на Претседателот на Украина Володимир Зеленски го пренесуваме интегрално:
„Денес, нашата држава и целиот цивилизиран свет постигнаа важен договор – постои договор што ни овозможува да ги деблокираме украинските пристаништа и да го вратиме украинскиот земјоделски извоз.
Од првиот ден на инвазијата од големи размери, Русија правеше се не само да го затвори пристапот на Украина до морето, туку и да го уништи самиот потенцијал на нашиот извоз – пристанишната инфраструктура, нашите железници, магацини и лифтови. Не го дозволивме тоа.
И сега не само што можеме да ја вратиме работата на нашите пристаништа на Црното Море, туку и да ја одржиме потребната заштита за нив. Ова е разработено со нашата војска и со нашето разузнавање. Војската ме увери во стопроцентна контрола на приодите до нашите пристаништа.
Долго време со нашите клучни меѓународни партнери и Обединетите нации се разговараше за сите детали од иницијативата потпишана денес во Истанбул. Многу лидери беа вклучени во тоа да успееме да го вратите нашиот извоз преку море. И јас сум му благодарен на Генералниот секретар на ОН Антонио Гутереш и на турскиот Претседател Ердоган за нивните напори.
Текстот на документот потпишан денес е објавен, а неговите точки можат да ги прочитаат сите. Тие целосно одговараат на интересите на Украина.
Прво. Ќе бидат извезени околу 20 милиони тони минатогодишна реколта на жито. Годинешната реколта – а таа веќе се бере – исто така ќе може да се продава. Тоа се приходите на земјоделците, целиот земјоделски сектор и државниот буџет. Тоа се работни места. Тоа се средства за сеидбата догодина.
Сега веќе имаме на залиха жито во вредност од околу 10 милијарди долари.
Второ. Конечно, постои шанса да се намали сериозноста на кризата со храна предизвикана од Русија. Постои шанса да се спречи глобална катастрофа – глад што може да доведе до политички хаос во многу земји во светот, вклучително во земјите што ни помагаат.
И трето. Ова е уште една демонстрација дека Украина е способна да ја издржи оваа војна. Важно е се во територијалните води на Украина да биде контролирано од нашата држава.
И на сите им е јасно дека може да има некакви провокации од страна на Русија, некои обиди да се дискредитираат украинските и меѓународните напори. Но, ние им веруваме на ОН. Сега нивна и одговорноста на нашите меѓународни партнери е да обезбедат усогласеност со договорите.
И сакам да им се заблагодарам на сите наши војници кои го исчистија Змииниј од непријателот, ги бранеа Одеса и Миколајив, постепено напредуваа во Херсонската област, ослободувајќи ја нашата територија. Им благодарам на сите кои секојдневно докажуваат: Русија нема да победи во оваа војна.
Се подготвуваме за утрешниот почеток на вториот Кијивски Самит на првите дами и господ. Оваа иницијатива на Првата дама на Украина беше основана минатата година и докажа дека може да ја насочи меката моќ на сопругите и сопрузите на лидерите на државите да решаваат различни проблеми од национални и глобални размери.
Овогодинешниот самит ќе биде посветен на повоената обнова на Украина. И не се работи само за реконструкција. Станува збор за враќање на луѓе, односно за раселени лица кои не треба да станат бегалци. За сета потребна помош и рехабилитација за настраданите од војната. И за заживување на општествениот живот во заедниците и градовите кои беа уништени од окупаторите.
Конкретно, во рамките на Самитот и врз основа на нашата државна добротворна платформа United24, веќе започна собирањето средства за специјални возила за реанимација за Украина.
Нема да откријам се што е подготвено од Првата дама на Украина и нејзиниот тим, но чувствувам дека тоа ќе биде моќен настан од дипломатска гледна точка.
Денес разговарав со големиот пријател на Украина, Борис Џонсон. Пред сè, за безбедносната и одбранбената соработка. Очекуваме нов пакет воена поддршка.
Односите меѓу Украина и Велика Британија се градат врз заеднички вредности. И што и да се случува во политиката, врските меѓу нашите земји и општества само ќе се зајакнат.
Вечерта потпишав уште еден указ за доделување награди на нашите војници. На 180 борци им беа доделени државни награди, од кои 100 постхумно.“