На европската страна на Истанбул, во палатата Долмабахче, со поглед на Босфор, човек од потесниот круг на рускиот претседател Владимир Путин, самоуверениот министер за одбрана Сергеј Шојгу, во петокот потпиша договор за деблокирање на извозот на украинско жито. од пристаништата на Црното Море. Тоа стави крај на руската блокада на украинските пристаништа – до неодамна една од клучните стратегии на Кремљ за победа во „тоталната војна“.
Потписот на Шојгу дури може да се сфати како понижување за Путин. А заслугата за тоа треба првенствено да се припише на моќта и заканата од ракетниот систем ХИМАРС. Овие модерни повеќецевни ракетни фрлачи, дизајнирани да истрелаат прецизни проектили на оддалеченост од околу 70 километри, се главната причина поради која Кремљ се согласи да седне на преговарачка маса, пишува Телеграф, пренесува хрватски Јутарњи.
Се разбира, останува неизвесно дали договорот за извоз на жито на крајот ќе функционира. Во саботата Русија веќе истрела проектили кон пристаништето Одеса, што Западот го нарече чин на кукавичлук.
Но, фактот дека Русија сепак се согласи на компромис пред јавноста, а договорот за деблокирање на пристаништето, укажува на тоа дека ракетните системи ја менуваат ситуацијата на бојното поле.
Договорот за деблокирање на Одеса би бил невозможен без ХИМАРС. Сега е многу јасно дека војната ќе заврши побрзо ако побрзо ја вооружиме Украина – изјави Габриелиус Лансбергис, министер за надворешни работи на Литванија.
Само шест дена претходно, Шојгу им делеше медали на руските војници кои се бореа во Донбас и ги повикуваше да продолжат со офанзивата.
Но, руската армија веќе беше запрена. За помалку од еден месец на бојното поле, ХИМАРС уништи десетици руски складишта за муниција кои некогаш беа надвор од дострелот на украинската артилерија, принудувајќи ја Москва да ги реорганизира своите гломазни линии за снабдување. Украинците ја победија и руската црноморска флота со ХИМАРС.
Филипс О’Брајан, професор по стратешки студии на Универзитетот во Сент Ендрјус, тврди дека гореспоменатите ракетни системи уништиле дури 100 „стратешки важни цели“.
Успехот што го донесоа гореспоменатите ракетни системи ја поддржува теоријата дека на Украина треба да и се испрати што е можно повеќе западно оружје, па Владимир Путин конечно ќе се согласи на мировен договор, пишува Телеграф.
Една од најголемите победи на ХИМАРС беше на Змискиот остров на почетокот на јули, место клучно за контрола на бродските патеки до и од Украина. Ова повлекување, како и потонувањето на рускиот команден брод на Црното Море во април, му оневозможи на Кремљ да ја одржи блокадата на Одеса.
Александар Габуев, виш соработник во аналитичкиот центар Карнеги фондација за меѓународен мир, го опиша укинувањето на руската блокада на украинските пристаништа како „важна пресвртница во војната“. Тој, исто така, рече дека сојузниците на Русија во Африка и Азија, кои се соочуваат со потенцијален глад, исто така вршат притисок врз Кремљ да дозволи извоз на жито од Украина.
Но, оружјето од Западот е она што навистина го промени текот на војната, сигурен е Телеграф.
САД веќе навестија дека може да испратат борбени авиони Ф-16 во Украина, како и повеќе ракетни системи ХИМАРС и технолошки софистицирани беспилотни летала.
Нашите војници вешто се борат со помош на ХИМАРС. Ќе продолжиме да разговараме со руските напаѓачи на јазикот на тешкото вооружување, изјави Кира Рудик, украинска парламентарка, која лобира за што повеќе оружје од Западот.
Подготви: Ј. Ѓорѓиоски
