Украинските сили го ослободија Волохив Јар во областа Харкив од руските напаѓачи, објави на Фејсбук Источната оперативна територијална команда на Националната гарда на Украина, пренесува Укринформ.
„Регионот Харков. Волохив Јар е наш. Слава на Украина!” пишува Националната гарда на Украина и објави видео од подигнување на украинското знаме.
Како што објавува Укринформ, во регионот Харкив, вооружените сили на Украина го уапсиле началникот на селската управа на Иванивка, кој соработувал со руската војска.
Вчера беше ослободен и градот Балаклија.
Претседателот на Украина, Володимир Зеленски, објави видео на кое се гледа како украинските војници известуваат за извршувањето на наредбата за ослободување на градот Балаклија и подигаат украинско Знаме.
Уништен руски јуришен хеликоптер Ка-52 Алигатор во регионот на Доњецк
Воздухопловните сили на вооружените сили на Украина уништија руски јуришен хеликоптер Ка-52 Алигатор во регионот на Доњецк, во објава на Телеграм соопштија Воздухопловните сили на Украина, јавува Укринформ.
„На 8 септември, противвоздушна ракетна единица на Военото воздухопловство собори шест беспилотни летала (UAV) на оперативно-тактичко ниво. уништи руски јуришен хеликоптер Ка-52 Алигатор“, се вели во извештајот.
Воените авиони на воздухопловните сили продолжуваат да ги напаѓаат непријателските позиции, опремата и логистиката на окупаторите со различни видови на оружје, вклучително и ракети АГМ-88 ХАРМ.
Подготви: Ј. Ѓ.
