„Сега го гледаме резултатот од 30 години неинвестирање во енергетскиот сектор. Ние за жал спиевме 30 години на еден извор на гас и еве го резултатот. За жал, поради тоа сме ранливи. Мора да се диверзифицираме. Тоа е начинот за справување и со кризи, но и за развој“ истакна вицепремиерот за еконмски прашања Фатмир Битиќи во „Вин-вин“ на Телма.
Тој додаде дека се разговара со Србија, Грција, Турција, Бугарија и дека ќе се разговара и со други земји за да се диверзифицираат изворите на ресурси и електрична енргија.
„Стопанството кое добива електрична енергија добива од слободен пазар има потреба од околу 320 мегават часови. Таму се сите, но не сите ќе имаат потреба ние да ја обезбедиме струјата. Има одредени компании кои имаат сигурни договори до крајот на годината, кои не сакаат или не можат да ги раскинат“ кажа Битиќи.
Вицепремиерот додаде дека на земјава исто така ѝ недостасува и поврзаност со соседните земји за носење на електрична енергија.
„Зошто имаме ваква лоша поврзаност во 2022 година? Зошто 30 години не се развиле прекуграничните капацитети, туку во 2018 година донесовме одлука за далновод со Албанија? Од 2018 граничиме со Албанија? Ова се причинско-последичните поврзаности за кои зборуваме само во криза“ рече Битиќи.„Зошто имаме ваква лоша поврзаност во 2022 година? Зошто 30 години не се развиле прекуграничните капацитети, туку во 2018 година донесовме одлука за далновод со Албанија? Од 2018 граничиме со Албанија? Ова се причинско-последичните поврзаности за кои зборуваме само во криза“ рече Битиќи.
Како ја оштетуваме државата ако вишоците струја ги продаваме за шест пати повисока цена, бара одговор вицепремиерот на обвинувањата од Мицкоски и ВМРО-ДПМНЕ.
„Продажбата на ноќните вишоци на електрична енергија од страна на ЕСМ само ја намалуват производната цена и загубите на ЕСМ. Ние произведуваме електрична енергија со просечна цена од 67 евра за мегават час во термоелектраните, а вишоците ги продаваме за 360 евра. Не ја сфаќам логиката дека сме нанеле штета на државата, ако продаваме за шест пати повисока цена“ изјави вицепремиерот за економски прашања Фатмир Битиќи во „Вин-Вин“ на Топ тема.
Тој додаде дека е подготвен да се откаже од ваквите политики доколку опозициската ВМРО-ДПМНЕ и Христијан Мицкоски објаснат како се нанесува штета дококу се продава производ шест пати поскапо од производната цена.
„Ако имаат потреба вишоците може да ги добијат и нашите стопанственици, но преку ноќ нема потреба, затоа се нудат на берза“ рече Битиќи.
Вицепремиерот кажа дека вишоците од термо централите се нудат на пазарот по берзански цени и таму се пријавуваат сите компании кои тргуваат со електрична енергија.
