Димитар Ковачевски не е дел од сопственичката структура, ниту пак е сопственик во Пиксел груп, истакна на прес-конференција пратеничката од СДСМ, Даниела Марковска, одговарајќи на новинарско прашање.
„Уште на ден 28.09.2020 г Димитар Ковачевски во целост го повлече износот на финансиските средства вложени за обезбедување на почетната ликвидност на компанијатa. Тоа е јавно соопштено, за да може целосно да се посвети на функцијата којашто тогаш ја извршуваше, земеник министер за финансии. Сето ова може да види и во Анкетниот лист на премиерот. Очајно е ВМРО-ДПМНЕ, го напаѓа претседателот Ковачевски затоа што е чесен и затоа што работи за граѓаните додека Мицкоски се кара за тендери и провизии. Фатени со рацете во медот за тендер од 136 милиони евра ВМРО-ДПМНЕ и шпицниот градоначалник Мицкоски продолжуваат со фабрукување лаги и невистини за претседателот на СДСМ, Димитар Ковачевски. Дека станува збор за фабрикувана манипулацијата на ВМРО-ДПМНЕ се гледа и од тоа што споменуваат државна помош за компаниите, којашто се однесува на сите компании кои исполниле услови“, истакна Марковска.
Со остар демант реагираа и од Пиксел груп, истакнувајќи дека е под секое ниво да се злоупотребува компанијата во дневни полички препукувања со лаги и класични манипулации, нагласуваќи дека кога Ковачевски влезе во политиката истапил од сопственичката структура
