Иранската влада за прв пат во саботата призна дека и испратила ограничен број дронови на Русија во месеците пред стартот на инвазијата на Украина. Преземено од Си-Ен-Ен
Изјавата на Министерот за надворешни работи на Иран, Хосеин Амирабдолахиан, доаѓа по претходните негирања на Техеран дека и доставила на Русија оружје за инвазијата во Украина, велејќи дека „не го направила и нема“ да го стори тоа. Амирабдолахиан не кажа дали дроновите што и биле испорачани на Москва се од типот што носи експлозив.
Некои западни земји го обвинија Иран дека ја помага војната во Украина со обезбедување на Русија со дронови и ракети. Делот поврзан со ракетите е погрешен во целост. Делот за дроновите е точен, обезбедивме ограничен број дронови на Русија во месеците пред стартот на војната во Украина, изјави Амирабдолахиан за новинарите во Техеран.
Самодетонирачките дронови одиграа значајна улога во конфликтот откако Русија ја започна инвазијата кон крајот на февруари. Тие се способни да кружат извесно време во област којашто е таргетирана како потенцијална цел и да удрат во моментот кога ќе се идентификува непријателското средство.
Во последните недели, Русија започна серија напади со дронови низ Украин, погодувајќи ја виталната цивилна инфраструктура и сеејќи терор во украинските градови далеку од првите борбени линии на војната. Украинските власти минатата недела соопштија дека собориле повеќе од 300 ирански дронови.
Официјални лица од една западна земја која внимателно ја следи иранската програма за вооружување, исто така, изјавија за Си-Ен-Ен дека Иран се подготвува да испрати повеќе нападни дронови, заедно со балистички проектили со краток дострел, во Русија за да ги користи во војната против Украина.
Последната пратка оружје од Иран за Русија вклучуваше околу 450 дронови, изјавија официјални лица, кои Русите веќе ги искористија за смртоносен ефект во Украина.
Амирабдолахиан тврдеше дека Техеран постигнал договор со Украина да ги разгледа доказите дека Русија користела ирански дронови во војната.
Се договоривме со Министерот за надворешни работи на Украина да ни ги достави сите документи што ги имаат дека Русија користела ирански дронови во Украина, рече тој, додавајќи дека иранска делегација планирала да се сретне со украинските претставници во Европа за да разговараат за ова прашање, но дека Собирот го откажа Киев.
Таков состанок имавме пред две недели во една европска земја, во таа европска земја отиде воена и политичка делегација, но за жал во последен момент украинската делегација не присуствуваше поради притисок од САД и некои европски земји, особено Германија, додаде Амирабдолахиан.
Иранскиот министер за надворешни работи рече дека разговарал со својот украински колега Дмитро Кулеба минатата недела и тие се согласиле да му дозволат на Иран да ги разгледа сите докази што ги има Украина во деновите што следат.
Се разбира, доколку се докаже дека Русија користела ирански дронови во војната против Украина, нема да останеме рамнодушни на ова прашање, рече Амирабдолахиан.
Нашиот став во врска со војната во Украина е да се прекине војната, да се вратат страните на преговори и да се вратат раселените лица во нивните домови, продолжи тој.
Придонес за овој извештај има Кајли Атвуд од Си- Ен-Ен.
